Падрыхтавала і правяла трэнінг педагог-псіхолаг нашай установы адукацыі Камароўская Людміла Аляксандраўна.
На мерапрыемстве педагогі пазнаёміліся з арт-тэрапеўтычнымі тэхналогіямі і іх ужываннем у практыцы. Так, мы даведаліся, што арт-тэрапія - гэта адзін з метадаў, які выкарыстоўвае магчымасці мастацтва для дасягнення станоўчых змяненняў у інтэлектуальным, сацыяльным, эмацыйным і асобасным развіцці чалавека. Сучасная арт-тэрапія ўключае мноства напрамкаў: выяўтэрапія, музыкатэрапія, пясочная тэрапія, казкатэрапія, гульнявая тэрапія, танцатэрапія, фотатэрапія.
Удзельнікі трэнінгу малявалі, гулялі з кінэтычным пяском, малявалі на ім мандалы, упрыгожвалі іх.
Арт-тэрапія - гэта просты, даступны і эфектыўны спосаб справіцца са стрэсам, павысіць настрой і зарадзіцца аптымізмам.
Актуалізацыя асобасных і эмацыйных рэсурсаў, эмацыйная падтрымка калегаў дапамагае навучыцца знаходзіць у сваім жыцці тое, што магло б падтрымаць і парадаваць. Зносіны ў нестандартных сітуацыях дазваляе выйсці з звыклай ролі педагога і паспрабаваць сябе ў розных сацыяльна-псіхалагічных абставінах. Выкарыстанне розных арт-тэхнік дапамагае справіцца са стрэсам, зняць эмацыйнае напружанне павысіць настрой і зарадзіцца аптымізмам.