У нашай дашкольнай установе функцыянуе пункт карэкцыйна-педагагічнай дапамогі (ПКПД).
Арганізацыя і аказанне карэкцыйна-педагагічнай дапамогі ў пункце ажыццяўляецца ў адпаведнасці з Кодэксам Рэспублікі Беларусь аб адукацыі, "Палажэннем аб пункце карэкцыйна-педагагічнай дапамогі "(пастанова Міністэрства адукацыі ад 25.07.2011 №131 (рэдакцыя ад 12.10.2012), метадычнымі рэкамендацыямі "Арганізацыя і змест работы ў пунктах карэкцыйна-педагагічнай дапамогі" (рэд. ад 25.05.2012), інструктыўна-метадычным пісьмом «Аб арганізацыі карэкцыйна-педагагічнай дапамогі дзецям з асаблівасцямі псіхафізічнага развіцця пры атрыманні імі дашкольнай або агульнай сярэдняй адукацыі ў 2013/2014 навучальным годзе».
Асноўнай мэтай дзейнасці пункта з'яўляецца аказанне карэкцыйна-педагагічнай дапамогі дашкольнікам, якія маюць парушэнні ў развіцці вуснай мовы.
Напрамкі работы ПКПД:
- карэкцыя гукавымаўлення;
- фарміраванне лексіка-граматычных уяўленняў;
- развіццё сувязнага маўлення;
- развіццё псіхічных працэсаў (увагі, памяці, мыслення).
Заняткі ў пункце праводзяцца з верасня да канца мая.
Перыядычнасць наведвання заняткаў выхаванцамі складае 2-4 разы на тыдзень.
Аказанне карэкцыйна-педагагічнай дапамогі ажыццяўляе настаўнік-дэфектолаг
:
 |
Вартанян Крысціна
Сяргееўна
|
Заняткі па аказанні карэкцыйна-педагагічнай дапамогі праводзяцца ў асобным кабінеце, які абсталяваны для падгрупавых і індывідуальных заняткаў
З улікам педагагічнай кваліфікацыі маўленчых расстройстваў у ПКПД камплектуюцца групы выхаванцаў з парушэннямі мовы:
- з фанетычнымі парушэннямі мовы (дыслаліяй, дызартрыяй, рыналаліяй);
- з фанетыка-фанематычным недаразвіццем маўлення;
- з нярэзка выяўленым агульным недаразвіццем маўлення (АНМ III узр);
- з парушэннямі тэмпа-рытмічнага боку маўлення (заіканнем лёгкай ступені, тахілаліяй).
Залічэнне выхаванцаў у пункт ажыццяўляецца загадам кіраўніка ўстановы адукацыі на падставе наступных дакументаў:
- заключэння дзяржаўнага цэнтра карэкцыйна-развіваючага навучання і рэабілітацыі (ЦКРНіР);
- заявы законнага прадстаўніка выхаванца.