23.04.24Экскурсія!
Сёння выхаванцы старэйшай групы № 10 ДУА "Дзіцячы сад № 6 "Крынічка" г. Заслаўя" наведалі Цэнтр бяспекі МНС
Мерапрыемства праходзіла ў інтэрактыўнай форме.Супрацоўнік Цэнтра Балажынская Таццяна Аляксандраўна распавяла дзецям, якія прадметы неабходна ўзяць з сабой у лес, якую надзець вопратку, правілы арыентавання, што рабіць, калі заблукаў.Дашкольнікам паказалі тэматычную інтэрактыўную пляцоўку "Небяспека ў доме", дзе ў іх была магчымасць знайсці небяспечныя прадметы і вызначыць, што можа прывесці да пажару ў кватэры.Таццяна Аляксандраўна азнаёміла дзяцей з правіламі і тэхнікай правядзення непрамога масажу сэрца пацярпеламу.Падчас экскурсіі дзеці праяўлялі актыўнасць, удзельнічалі ў дыялогу і адказвалі на пытанні.Наведванне цэнтра бяспекі пакінула ў дзяцей незабыўныя ўражанні. Яны пераканаліся, што веды, атрыманыя падчас экскурсіі, дапамогуць у выпадку ўзнікнення надзвычайных сітуацый захаваць жыццё сабе і іншым.